Оньhон үгэнүүд
- Ажал хэжэ, хүн болодог,
Арые дабажа, хүлэг болодог.
- Ажал хэжэ hураагүй үхибүүн
Амталуурай сэн мэдэдэггүй,
Зобохые үзөөгүй үхибүүн
Жаргал гээшые мэдэдэггүй.
- Ажал хэhэн - аманда тоhон,
Ажалгүй hууhан - аягада хооhон.
- Ажал хэhэн хүн зөөри суглуулха,
Аралжаа хэhэн хүн хараал суглуулха.
- Ажал - шанараараа,
Арга - сэсэнээрээ.
- Муу хүн хэлэнэйнгээ үзүүртэ хүрэхэгүй,
Мундуу хүн гарайнгаа үзүүртэ хүрэхэгүй.
- Муул hаа, «би»
Мохоол hаа, магадаан.
- Мууhаа муу гараха,
Модонhоо хөө гараха.
- Хатарша жороонь - үүлтэрhээ,
Зангайнь hайхан - hургаhанhаа.
Мориной hайханиие унажа мэдэдэг,
Түмэрэй hайханиие дабтажа мэдэдэг.
- Эрдэм бэлиг - эрхим баян
Эдир залуу - дунда баян
Эд зөөри - адаг баян.
- Эрдэм хэшээлээр hурадаг,
Эрлиг hургаалаар олодог.
- Агаарай арюунда
Абаахайшье ажалладаг.
- Агта алдабал, барижа болодог,
Ама алдабал, барижа болодоггүй.
- Адуу малаа амтатай тэжээлээр хангабал,
Айраг, тараг айл бүхэндэ байха.
- Ажал хүдэлмэри - эрдэм,
Аба, эжы - бурхан.
- Багшаяа хүндэлһэн хүн
Багша боложо ябаха.
- Бүтүүе тааха – эрдэм,
Бүхэниие мэдэхэ – ухаан.
- Бэеэ эд бараагаар шэмэглэнхаар,
Эрдэмээр шэмэглэһэн дээрэ.
- Олзотой хүн ноён болодог,
Ухаатай хүн эрдэмтэй болодог.
- Оложо мэдэһэн эрдэмтэн
Олоной дундаһаа тодордог.
- Сэсэншье һаа, һургуули хэрэгтэй,
Сэбэршье һаа, хубсаһан хэрэгтэй.
- Сээлэй ехэ - далайда,
Сэсэнэй ехэ - арадта.
- Хубсаһан – бэеын шэмэг,
Эрдэм – ухаанай шэмэг.
- Хубсаһые шэнэ дээрэнь арьбалдаг,
Хүниие бага дээрэнь һургадаг.
- Һураһан – һонор,
Һураагүй – һохор.
- Һураһан хүн харгыгаа олохо.
- Һураһан һургаал - һургаал болохо,
Ябаһан ябадал - харгы болохо.
- Һайн юумэ хээд, бү һайрха,
Муу юумэ хээд, бү нюу.
- Һайн ябаха - һанаанай,
Һайхан ябаха - заяанай.