Таабаринууд
- Агы соо улаагша гүүн унагалба
Тэрэниие арбан хүн асаржа ядаба.
(гашбаХ)
- Адха монсо,
Адаалхай хадхуур.
(кинвожырК)
- Адхахада, адха дүүрэхэгүй аад,
Табихада, тала дүүрэдэг.
(нэдюН)
- Айлай газаа үбэл зун хоер байрланхай.
(аграШ, эгрэТ)
- Алайрай басагад
Арадаа гэдэhэтэй.
(нашлуб йэлүХ)
- Баабайн адуун,
Барандаа жороо
(нуюрохоТ)
- Баар-баар дуутай,
Баршааг торгон дэгэлтэй.
(ахаБ)
- Барихада бии, харахада үгы.
(лэШ)
- Баруун тээшээ шангалнаб,
Зүүн тээшээ hуладханаб.
(бэрүШ)
- Баруун хойноhоо ерэhэн лама
Баншан шасар малгайтай,
Гурба hарын хуралтай,
Гушан хоногой мүргэлтэй.
(нэжлөөбүБ)
- Газаа талань гэрэлтэнэ,
Досоо талань толотоно.
(апмааЛ)
- Газар шааяса адхарhан
Газар дэлхэй норгоhон.
(оороБ)
- Газар доро гахай түрэбэ.
(ахбаатраХ)
- Газар дээрэ гэшэгэнээн,
Газар доро ганса хурган.
(боохроМ)
- Газарта бүрбэгэнүүр,
Агаарта дэрбэгэнүүр.
(лэмэгрэЖ)
- Далай ламын бүтээhэн
Далан дабхар зүйл.
(гаснихраh)
- Далайн саана дааган шарбана.
(нааглихаС)
- Далан дабхар хубсаhатай,
Дундаа нэгэ шагтатай.
(атсуупаХ)
- Дархи сагаан азарга
Далан дабхар тохомтой.
(наhуХ)
- Домбо долоон нүхэтэй.
(ихрат йэнүХ)
- Ебхэнсэйн hамган ерэн хабhатай.
(охроТ)
- Елэгэр дүрбэн хүбүүтэй,
Гурбаниинь гасалантай
Нэгэниинь жаргалтай.
(дүүнлүх йэтрэдүш йонироМ)
- Ехэ ан нажар унтадаг,
Үбэл hэридэг.
(нөөжлэбҮ)
- Ехэ гэр соо бага гэр,
Бага гэр соо балшар хүбүүн
(лух,ноhмйо, латуГ)
- Ехэ зээрдэ морин
Ерэн дабхар тохомтой.
(атлашух йэрэГ)
- Жалга руу жаран гурөөhэн гүйгөө.
(ноhоогрох йониноХ)
- Жараахай жарбалзана,
Жаран сагаан бүхэлзэнэ.
(ноогон эhбү, нихлаh)
- Жаран жалгын жабар бэрхэ,
Жарта могойн хэлэн бэрхэ.
(өөрюХ)
- Забагта зандан аяга.
(нараН)
- Зандан модоной үбэртэ
Забилаад hуудаг забилуухай,
Заяанайнгаа хүнэй ерэхэдэ,
Зайсаад үгэдэг забилуухай.
(агрууС)
- Зундаа hэруюсэдэг,
Үбэлдөө дулаасадаг.
(нэшэеП)
- Зургаан хүлтэй,
Хоер толгойтой,
Ганса hүүлтэй.
(нүх йотироМ)
- Зуу найман зулзагатай,
Зулзага бүреэ эдеэтэй.
(рамаh)
- Манай хүбүүн түмэр мохи жажална.
(нама йараазах йонироМ)
- Мидар, мидар гэшхэдэлтэй,
Мянган сагаан дахуултай.
(нироМ)
- Могой шэнги хадхууртай,
Морин шэнги бэетэй,
Тэргэ шэнги мөөртэй.
(анишам йолодеО)
- Могой эреэн бэетэй,
Модон гурбан hоеотой.
(рэдүШ)
- Модон бэетэй,
Шулуун голтой,
Хара хүүртэй.
(шаднараК)
- Набтар харахан басаган нарин бэетэй,
Шара хуба зүүдхэлтэй.
(анаграсаШ)
- Нариихан хүбүүн
Нара харадаггуй.
(лог йонодоМ)
- Нарин үндэр бэетэй,
Наян найман таhагтай,
Таhаг бүхэндөө үргөөтэй,
Үргөө бүхэндэнь- үндэгэн.
(солоох йанаяраТ)
- Наhан соонь няалдашаба,
Намтар соонь бэшэгдэшэбэ.
(эрэн йэнүХ)
- Ногоохон эшэгэн сагаан тархитай.
(консеЧ)
- Огторогойдо ябадаг,
Орожо гэртэ ерэдэг.
Хаяада хүнхинэдэг
Хамаг зугаа хөөрэдэг.
(оидаР)
- Ой модоной нэгэн,
Олон шулуунай нэгэн,
Хаан түмэрэй нэгэн
Хатуу хэсүүгэй нэгэн.
(ууб йатгамаз руюхаС)
- Орохо гэргүй,
Унтаха хэбтэригүй,
Үдэшэ дүүрэн уйладаг,
Үдэр дүүрэн дууладаг
(ыхүХ)
- Ой соо оодогор нохой хусаа.
(эхүh)
- Сагаагшан үнеэгээ
Сохи сохиhоор тугаллуулаа.
(эхэлүб үh)
- Сагаан тахяа ногоон hүүлтэй.
(ригнаМ)
- Сагаан ямаан хэбтэн таргалаа.
(наhаС)
- Сонходо шандагад хоноо.
(дэшүМ)
- Соохор hамган сагаан далитай.
(аатгат, аахбалуГ)
- Тааhан хүн талаантай,
Мэдэhэн хүн мэдэлтэй,
Ойлгоhон хүн ухаатай.
(моН)
- Таб-таб Табхайн дуун,
Табан хүлтэй мэлхэйн дуун,
Мүнгэн аягын дуун,
Мүхэ эреэхэн шанагын дуун.
(бат нырэД)
- Торхонь тос гээ,
Тоhониинь ялас гээ.
(рамаh)
- Тохигоршье hаа,
Туйганай
Тулааhан болодог.
(руулуТ)
- Тохир-тохир ханхинаhан түмэр,
Тохорюун хушуун тоhоор гулдидаг.
(атраhма йоноhот нынишаМ)
- Уйлхай соо халуу хааба.
(сомреТ)
- Уйтан гэр соо мүргэдэг хуса.
(рүүдюн руУ)
- Улаагшан үнеэн
Утаhан харгы дахаа.
(йавмарТ)
- Улаан басаган ногоон хүнжэлтэй.
(олкевС)
- Улаан галда дүрэдэггүй
Уhанда шэнгэдэггүй.
(нэhьлүМ)
- Хаанhаа зүбшөөлтэй,
Хамаг зондо этигэлтэй,
Дүрбэн гүрлөө гэзэгэтэй,
Дүшэн хонгор нюдэтэй.
(рүүнгэш раг нашууХ)
- Хаар-хаар дуутай,
Хара торгон дэгэлтэй.
(гаалруТ)
- Хада дээгүүр халин гүйгөө,
Харгааha бургааha залгин гүйгөө.
(рэмйүТ)
- Хада руу хара аяганууд мухариба.
(дуунуурут йонироМ)
- Халууншье далайда
Хамаагүй шунгадаг,
Хүйтэншье далайда
Хашалангүй ородог.
(аганаШ)
- hайхан басаган нэгэ нюдэтэй.
(нүүЗ)
- hам шэнги hадариг
hара шэнги түхэреэн.
(гирахаС)
- hарьдагта haрьмай дэгэл.
(нэхэШ)
- hүни болоходо,нүхэндөө ородог дэгээ,
Үдэр болоходо, нүхэнhөө гарадаг дэгээ.
(эхбэш йэнэдүҮ)
- Шамhаа бага аад,
Шамайе уйлуулхаб.
(онигноh)
- Шаралдайн басагад алтаяа гээгээ.
(ахану йадаhашбаН)
- Эгэшэ дүү хоер,
Ээмээр сасуу
(дууножом йэнэдүҮ)
- Эдихэгүй аад, үбэртэлдэг.
(гэхҮ)
- Эжынгээ хүнжэл
Эбхэжэ ядааб.
(йэхлэД)
- Энгүй ехэ, тэнгүй хүхэ.
(ирэгнэТ)
- Эреэн сагаагша гүүнhээ
Эрхим хара унаган
Эриhэн, абаhан хүн
Эрьюу тэнэг болоо.
(эхэрэн оогоТ)
- Юртэмсэдэ гурбан дутуу. Юун бэ?
йүгаhаалут ирэгнэТ)
(йүгэhэб адах, йүггахбах йалад,
- Ябахыень hалхин мэдэдэг
hуухыень жалга мэдэдэг.
(луухмаХ)
Толоной абдарhaa-Ц.Тумурова