Буряад арадай дуун хадаа эртэ урда сагһаа хойшо арад зоной ажабайдал харуулһан толи, түүхэ намтарай, ёһо заншалай, үзэл һаналай уута болодог гээшэ.

Гүнзэгы, тодо удхатай, уран, баян хэлэтэй арадай дуунууд ехэнхидээ аба эжыгээ, түрэл гаралаа, инаг амарагаа, тоонто нютагаа түүрээн магтаһан байдаг. Удхаараа дуунууд бэһэлигэй, уусын, нэрьеэнэй, инагай гэхэ мэтээр илгардаг юм.

Мүнөө бидэ Дулдаргын аймагай Зүдхэли нютагай Бодонгууд омогой Дамбын Сэдэнэй Цырендоржо ахатай уулзажа бэшэһэн дуунуудаа олоной һонирхолдо дамжуулхамнай.

Урдаһан булагай уһанһаа

Үндэр улаанаа уһалаарай,

Үбгэн болоһон эжы абаяа

Үглөөгүүр ошожо золгоорой.

https://drive.google.com/file/d/1NTPlwTcBvupjwfYphMG-Pgp2wWiYELKA/view?usp=drivesdk

Ардаг моримни инсагаална,

Адуунхан hүрэгөө hанаа юмаа гү?

Алагхан нюдэмни уhатаад байна,

Айдархан Янжимагаа hанаа юмаа гү?

Эмниг моримни инсагаална,

Эжылхэн hүрэгөө hанаа юмаа гү?

Эреэнхэн нюдэмни уhатаад байна,

Энхэрhэн Янжамаагаа hанаа юмаа гү?

https://drive.google.com/file/d/184zhiVodWZcHh9c4W4ssm-2lsD3dJrCT/view?usp=drivesdk