Дүн хамта 9 бүлгэмүүд ехэ hонирхолтой еhо заншалнуудые, ханхинама hайхан дуу, еохор наада харагшадта дурадхажа, зоной зүрхэ сэдьхэл хүдэлгөө.
Мүрысөөндэ хабаадаhан бүлгэмүүд:
Могойтын аймагай Ага-Хангил нютагай Арадай аман зохеолой бүлгэм «Булагта» ( «Баргай наадан»), хүтэлбэрилэгшэнь - Чимитова Ханда Сандановна;
Агын аймагай Согто-Хангил нютагай Арадай аман зохеолой бүлгэм «Магтаал» («Бэриин мүргэлгэ»), хүтэлбэрилэгшэнь - Дондокова Аяна Цыренжаповна;
Агын аймагай Арадай зохеохы габьяата бүлгэм «Этигэл» ("Бабжын наадан"), хүтэлбэрилэгшэнь -Нордопова Сэсэгма Дашинимаевна;
Могойтын аймагай Ушарбай нютагай Арадай аман зохеолой бүлгэм «Ажалчин» («Түрэ хуримай заншалнуудһаа»), хүтэлбэрилэгшэнь - Батоева Цыцыгма Зандановна;
Дулдаргын аймагай Зүдхэли нютагай аман зохеолой бүлгэм "Зүүдхэл" ("Хүүгэ үргэжэ абалга"), хүтэлбэрилэгшэнь - Дамдинцыренова Намсалма Дамбиевна;
Могойтын аймагай Хила нютагай Арадай аман зохеолой бүлгэм «Улаалзай» ( «Лусад тахилга»), хүтэлбэрилэгшэнь - Рахлецова Зоя Александровна;
Дулдаргын аймагай Шандали нютагай аман зохеолой бүлгэм «Үндэрнүүд» («Гал тахилга»), хүтэлбэрилэгшэнь - Рыкова Галина Сергеевна;
Дульдаргын аймагай Дульдурга hууринай Арадай аман зохеолой бүлгэм «Сууряан» («Даага дэллээн»), хүтэлбэрилэгшэнь - Дулмаева Долгорма Доржиевна;
Дулдаргын аймагай Тугшан нютагай аман зохеолой бүлгэм "Онон" ("Бэhэ андалдалга"), хүтэлбэрилэгшэнь - Раднаева Туяна Сухэболотовна.
Тойрогой аман зохеолой булгэмуудэй «Буряад хунэй нэгэ удэр» гэhэн буряад арадай ажабайдал, еhо заншал, наада зугаа харуулhан зүжэглэмэл наадые хүндэтэ шүүгшэд сэгнээ:
Шуугшэдэй туруулэгшэ: культурологиин кандидат, Ород Уласай эрдэмэй Сибириин таhагай эрдэмэй түбэй мэргэжэлтэн Цымпилова Александра Цэдашиевна
Шүүгшэдэй гэшүүд:
Ород Уласай соелой габьяата ажалтан, Агын Буряадай тойрогой соелой ветеран Рыгдылова Бальжима Базаргуруевна;
«Ород Уласай сэдьхэл» гэhэн премиин лауреат, Агын Буряадай автономто тойрогой соелой габьяата ажалтан Цыбикова Цыденжаб Цыбендоржиевна;
Үбэр Байгалай хизаарай соелой габьяата ажалтан, Үбэр Байгалаар буряад соел хүгжөөлтын түбэй мэргэжэлтэн Долгоржапова Долгорма Мункуевна;
Могойтын аймагай үхибүүдэй урлалай ордоной нэмэлтэ болбосоролой багша Дондокова-Замбалаева Баира Тубановна;
Шүүгшэдэй бүлгэмэй нарин бэшээшэ – Үбэр Байгалай хизаараар буряад соел хүгжөөлтын түбэй мэргэжэлтэн Мункуева Дулма Жамбаловна.
Арадайнгаа уран үгын баянаар бахархан, шэнхинэсэ зэдэлhэн дуунуудай, еохор нааданай долгиндо абтан, ууган буряадайнгаа удха шанартай еhо заншалнуудые хаража, мүрысөөнэй эсэстэ дүнгүүд гаргадаба:
1-хи hуури - Дулдаргын аймагай Зүдхэли нютагай аман зохеолой бүлгэм «Зүүдхэл»
2-хи hуури - Агын аймагай Согто-Хангил нютагай Арадай аман зохеолой бүлгэм «Магтаал»
3-хи hуури - Могойтын аймагай Хила нютагай Арадай аман зохеолой бүлгэм «Улаалзай» Тойрогой аман зохеолой бүлгэмүүдэй мүрысөөндэ эдэбхитэй хабаадаhан булгэмуудтэ Убэр Байгалай хизаараар буряад соел хүгжөөлгын түбэй баярай бэшэгууд барюулагдаба.
«Эрхим хутэлбэрилэгшэ» гэhэн хүндэлэлдэ Зүдхэли нютагай «Зүүдхэл» гэhэн аман зохеолой бүлгэмэй хүтэлбэрилэгшэ Дамдинцыренова Намсалма Дамбиевна хүртэбэ.
Агын аймагай захиргаанай тусхай шангаар Дульдурга hууринай«Сууряан» гэhэн Арадай аман зохеолой бүлгэм шагнагдаба
Шүүгшэд өөрын тусхай шан томилжо, Агын аймагай «Этигэл» гэhэн Арадай зохеохы габьяата бүлгэмдэ барюулба.
Түрүүшын гурбан hуури эзэлhэн аман зохеолой бүлгэмүүд Үбэр Байгалай хизаарай аман зохеолой бүлгэмүүдэй хоорондо үнгэргэгдэхэ мүысөөндэ хабаадаха эрхэтэй болобо.Тэндэ илаhан бүлгэмүүд Монгол Ороной Булганай аймагта үнгэрхэ Алтарганын нааданда хабаадаха аргатай болохо, гээд соносхогдоо.
Түмэн жэлнүүдые дабажа ерэhэн арадайнгаа еhо заншал cахижа, аман зохёол, арадай наадануудые наринаар хадагалан hэргээжэ, ургажа ябаа залуу hүрэгтөө дамжуулан үгэхэнь ехэл шухала, харюусалгатай, дэмбэрээтэй хэрэг болоно. Тойрогой аман зохеолой булгэмууд энэ хэрэг эдэбхитэй ябуулна. Үбэр Байгалай хизаараар буряад соел хүгжөөлгын түб.
Альбом: https://vk.com/album-208285722_299159690
.