Сагаалган

                                 Yгэнь Гунга Чимитовэй

Газаамнай –  үбэл,

Газарнай саhан доро дууранал.

Хүндэтэ шэнэ жэл ерэжэ,

Хүн зоноо хүлеэжэ байна лэ.

                                 Дабталга:

Сагаалган, сагаалган!

Бурхандаа мүргыт.

Сагаан эдеэгээ дэлхэйдээ үргыт!

Саяан дээгүүр сахилнал,

Байгал дээгүүр бадарнал…

Досоомни – хабар…

Доhолhоор морилхо дүтэлөө.

Хониднай эбтэйгээр эхирлээ,

Хорёондоо олоороо hүрэглөө.

                                 Дабталга:

Зосоомни – дуран…

Золтой жэл оршобо янзатай.

Хоюулаа инагни, зэргэлээд

Хододоо ябаеыл жаргалтай.

                                 Дабталга:

Сагаалган, сагаалган!

Бурхандаа мүргыт.

Сагаан эдеэгээ дэлхэйдээ үргыт!

Саяан дээгүүр сахилнал,

Байгал дээгүүр бадарнал…                                         

 

Сагаалганай мэндэ!

                                 Yгэнь Гунга Чимитовэй

Сагнай hайнаар эрьебэ,

Сагаалгамнай ерэбэ.

Сарюун дайдам hэргэбэ,

Сагаан эдеэ дэлгээбэ.

Амар мэндэ, алтан наран,

Амар мэндэ, сагаан hара!

Амар мэндэ, аба орон!

Амар мэндэ, арад олон!

Жэнгинүүрхэн хүгжэм дор

Жэлнай саашаа хүгжэжэ,

Нангин жаргал хүртөөгөө,

Наhыемнай нэмээгээ.

Сангай дохёо шагнаhан,

Санзайн хангал анхилан

Yбгэд, хүгшэд буянтай,

Yри хүүгэд баяртай.

Амар мэндэ, алтан наран,

Амар мэндэ, Сагаан hара!

Амар мэндэ, аба орон,

Амар мэндэ, арад олон!

Сагаан hара hайхан даа

Yгэнь Гунга Чимитовэй                                   

Сагаалган газаамнай

Сахилзан бууба лэ.

Сагаалган тухай дуу

Салгидхан дуулаеы!

                         Дабталга:

Сагаан hарын асарhан

Сагаалганаа магтаеы.

Сарюун, арюун дэлхэйдээ

Сагаан эдеэ үргэеы!

Буянтай, бурхантай

Буряадууд сагаалаа.

Баярлан, урмашан,

Барандаа зугаалаа.

                         Дабталга:

Айл аймаг, арад зон

Азатайл, жаргалтайл,

Азаргаар адуутайл,

Амбаартаа таряатайл.

                         Дабталга:

Сагаан hарын асарhан

Сагаалганаа магтаеы.

Сарюун, арюун дэлхэйдээ

Сагаан эдеэ үргэеы!

Сагаалганай дуун

                            Yгэнь Гунга Чимитовэй

Сагаан hара тодорбол,

Саhан дээгүүр толорбол.

Шэнэ жэлнай морилбол,

Шэжэр мүнгөөр яларбал.

Дабталга:

Сагаалганаа сагаан эдеэгээр,

Сагаан хадагаар угтаеы!

Сагаалганаа хүхюун согтойгоор

Самряан дуугаар магтаеы!

Буряад заншал hэргэбэл,

Бурхан тахил дэлгэрбэл.

Арад зомнай үндыбэл,

Ажал хэрэг урдалбал.

Дабталга:

Yбгэд, хүгшэд сагаалаа,

Үхибүүднай зугаалаа.

Тэгшээр баян хэшээгээ

Тэнгэримнай заяагаа.

Дабталга:

Сагаалганаа сагаан эдеэгээр,

Сагаан хадагаар угтаеы!

Сагаалганаа хүхюун согтойгоор

Самряан дуугаар магтаеы!

Сагаан hараар, мэндэ!

Yгэнь Доржо-Ханда Цынгуевагай

Һарын сагаан гэрэлээр

Һама бурхан морилжо,

Һаруул уужам түбиеэ

Гурба дахин эрьехэнь.

         Дабталга:

                   Сагаан hараар,

                   Сагаан hараар,

                   Сагаан hараар,

Мэндэ амар!

Хүхэ манхан огторгойн

Хүбөө зубшан эрьежэ,

Хилэнсэгтэ дэлхэйгээ

Арюудхахаа морилбо.

         Дабталга:

Сагаан hараар,

                   Сагаан hараар,

                   Сагаан hараар,

Мэндэ амар!

Буурал сагаан эжынэр

Бурхан тахилаа дэлгээел

Залуу хүгшэн илгаагүй

Заншал ёhоёо hэргээел.

         Дабталга:

Сагаан hараар,

                   Сагаан hараар,

                   Сагаан hараар,

Мэндэ амар!

Бүгэдэ зоной сэдьхэлдэ

Уян мэдэрэл эблэрhэй

Бурхан шажан hэргэжэ

Буян хэшэг дэлгэрhэй.

         Дабталга:

Сагаан hараар,

Сагаан hараар,

Сагаан hараар,

Мэндэ амар

 

Сагаан hара, сагаалгамнай

Yгэнь Владислав Түгдэмэй

Жэлнүүд hэргээд,

Жэргэн эрьеэ,

Жэгүүр hэлеэд,

Жэгтэй нэрьеэ.

Дабталга:

Сагаан hара,

Сагаалгамнай,

Һаруул хаhа

Һанаандамнай.

Урмаар дэгжээд,

Улад сэнгээ,

Угтаад хэзээш

Уряал дэлгээ.

 

Дабталга:

Сагаан hара,

Сагаалгамнай,

Һаруул хаhа

Һанаандамнай.

Баян дайдаар

Баяр дамжаа,

Сарюун танаа

Сагаалганаар.

 

Дабталга:

Сагаан hара,

Сагаалгамнай,

Һаруул хаhа

Һанаандамнай.

Мүнгэн Сагаа hарамнай

 Yгэнь Батожаргал Шагдаровай

Хүгжэмынь Бато Бальжинимаевай

Буянтайхан сагаа hарамнай

Буряад орондоо буужа ерэлэй.

Баян нютаг, олон hүрэгнай

Билтаруулаа сагаан хэшэгээ.

Замби түбиин энгэрhээ

Замаа залан эрьеhээр,

Золтой нютаг орондом

Зула болон бадарhаар

Мүнхын уhаар сүршүүлhэн,

Мүнгэн сагаа hарамнай

Нэгэ нэгээр бэлэглээ

Намдаш, шамдаш наhымнай.

Наян наваа, Бада Ёгомнай

Намтар түүхын эхэ үлгымнай

Нугархайхан хатар ёохорнай

Наада зугаань юумэл угаймнай.

Агтын туруун тооhорно

Айлшад хүдөө сагаална

Аха захаа золгожо,

Алда хадаг дэлгэнэ.

Малай дэлэн – hүн далай

Маараатай даа хотон соо

Модон hаба айрагтай

Сэржэм дээжэ танха соо.        

 

Сагаан  hараар, сагаалганаар

  Yгэнь Р. Рабжуевай

Хүгжэмынь О.Тангатовагай

Залин хурдаар дэлхэйгээ

Һама сахюусамнай тойробо.

Үүрэй толоноор бидэндээ

Сагаан hарамнай морилбо.

Сагаан hараар,

Сагаан hараар,

Сагаалганаар,

Буруун булшантай,

Дааган далантай,

Сагаалаеыл даа.

Дасан дугамнай уярмаар

Дун бүреэ – хэнгэрэг наярба.

Дандаа сэдьхэл баясамаар

Дүгжүүбын хурал хураба.

         Сагаан хадагаар,

Сагаан хадагаар,

         Сагаалганаар,

         Аха заха

         Анда нүхэд

         Золгоеыл даа.

Эhэ тортоггүй арюухан

Эхэ нютагнай оршомой!

Нүгэл хилэнсэггүй сарюухан

Боди сэдьхэлнай оршоhой!

Сагаан hанаагаар,

         Сагаан hанаагаар,

         Сагаалганаар

Дэлхэйн арадта

Дүүрэн жаргал

Дохин хүргэеыл даа!                                           

 

Уряад нэрьеыш, Сагаалган

Yгэнь Владислав Түгдэмэй

     Хүгжэмынь Баир Батодоржиевай

Сагаан hара, Сагаалган

Сарюун түбеэр дэнзэлнэ.

Һанаан бодол зугаалан,

Һаруул тэгшээр энхэрнэ.

                   Дабталга:

         Буряад дайдаа арюулhаар

         Бусаад жэргыш, Сагаалган,

         Утын гороо замаараа

Уряад нэрьеыш, Сагаалган.

Санзайн хангал нэмээhэн

Сагаан эдеэн дэлбэрнэ,

Золой хэшэг дэлгээhэн

Зоной магтаал зэдэлнэ.

                   Дабталга:

         Буряад дайдаа арюулhаар

         Бусаад жэргыш, Сагаалган,

         Утын гороо замаараа

         Уряад нэрьеыш, Сагаалган.

 

Сараа татан зурынал

Сагаан үреэл харгымни,

Солоо залан заяанал

Сагай хүлгөө наhамни.

                   Дабталга:

         Буряад дайдаа арюулhаар

         Бусаад жэргыш, Сагаалган,

         Утын гороо замаараа

Уряад нэрьеыш, Сагаалган.

Сагаалган

Yгэнь Ц. Бата-Жаргалай

Хүгжэмынь Д. Нацагдоржиин

Сагаан дахаяа нэмэрижэ

Сагаан hара морилон ерэбэ.

Сагаан хадагаар угтажа,

Сагаан сэдьхэлээр золгоё.

                   Дабталга:

Аюуша хадагаа барижа,

Ахамад наhатанаа золгоё.

Амар заяан золтой байжа,

Амгалан байдал мүнхэ болог.

Эсэгэ эхынгээ үреэлээр

Эгээл hайхан заншалаар

Эрьежэ ерэhэн Сагаан hарамнай –

Энхэ тайбан манай байдал.

                   Дабталга:

Аюуша хадагаа барижа,

Ахамад наhатанаа золгоё.

Амар заяан золтой байжа,

Амгалан байдал мүнхэ болог.

Сагаалган тухай дуун

Yгэнь Г.Дашабыловай

Хүгжэмынь Ст. Улахановай

Уужам уужам Буряадайм

Ууган заншалаар

Уураг айраг табингаа

Буужал айлшалааш.

                  Дабталга:

Сагаалган, Сагаалган

Сарюун hарамнай,

Сагаалган, Сагаалган

Сагайл нарамнай!

Дууhан дууhан бидэндээ

Дүүрэн жаргалые

Тайбан байдал юрөөгөөд

Таатай буубалши.

Дабталга:

Сагаалган, Сагаалган

Сарюун hарамнай,

Сагаалган, Сагаалган

Сагайл нарамнай!

 

Аажам аажам Буряадайм

Аалин сэдьхэлээр

Айдар наhыем нэмээгээд

Айлшан буубалши.

                  Дабталга:

Сагаалган, Сагаалган

Сарюун hарамнай,

Сагаалган, Сагаалган

Сагайл нарамнай!

Ёохорой дуунууд.

Хатар наадан

Yгэнь, хгжэмынь Ю.Ирдынеевэй

Хамта бидэ бултандаа

Хатаралдан наадая!

Наадая, наадая,

Хатаралдан наадая!

                     Хатаралдан наадая,

                     Ханхинанал хүгжэмынь!

                     Хүгжэмынь, хүгжэмынь,

                     Ханхинанал хүгжэмынь!

Ханхинанал хүгжэмынь,

Хажуудахяа хүтэлыт!

Хүтэлыт, хүтэлыт,

Хажуудахяа хүтэлыт!

                     Хажуудахяа хүтэлыт,

                     Хани нүхэд, наашаагыт!

                     Наашаагыт,наашаагыт,

                     Хани нүхэд, наашаагыт!

Хани нүхэд, наашаагыт,

Хамаг хүүгэд сугларыт!

Сугларыт, сугларыт,

Хамаг хүүгэд, сугларыт!

                     Хамаг хүүгэд,сугларыт,

                     Хабархажа сэнгэел!

                     Сэнгэел, сэнгэел,

                     Хабархажа сэнгэел!

Хабархажа сэнгэел,

Хангир – янгир гэшхэел!

Гэшхэел, гэшхэел,

Хангир – янгир гэшхэел!

                     Хангир – янгир гэшхэел,

                     Хамта бидэ бултандаа!

                     Бултандаа, бултандаа,

                     Хамта бидэ бултандаа!

Ёохор дээрээ ерээбди,

Ёохорлохоёо ерээбди.

Харанхы hүни ерээбди,

Хатархаяа ерээбди.

Ханаар hууhан залуушуул,

Орыт наашаа наадандаа.

Ерэhэн, ороhон залуушуул,

Ябыт наашаа наадандаа.

Набтар уулын саанаhаа

Наранай гаратар хатарая,

Найдамтайхан нүхэдэйнгөө

Наадашатар хатарая.

Солдат сабхиин шэнэхэндэ

Саhан ходо ороhой даа.

Сарюун залуу ябахадам,

Наадан ходо болоhой даа.

Хром сабхиин шэнэхэндэ

Ходол бороо ороhой даа,

Хүхюун залуу ябахадам,

Ходол наадан болоhой даа.

Тэбхэр харахан шулуунда

Тэмдэг сохихын аргагүй.

Тэрэл холын амарагтай

Тэнсээд ябахын аргагүй.

Түхэреэнхэн тэргэмнай

Түмэр голой хүсэн юм

Түбхэлзэгшэ бэемнай

Танай, манай хүсэн юм.

Боро морин эсэнхэй,

Борьбоёо хабираад эсэнхэй.

Булта басагад эшэмхэй,

Булан хаяа түшэнхэй.

Уhан хүхэ далайе

Ургы сэсэг гоёоно.

Урин hайхан шарайе

Сэмбэ костюм гоёоно.

Хадын үндэр дабаанда

Хазаартал бором эсээгүй.

Харанхы hүниин нааданда

Хани нүхэд эсээгүй.

Арын үндэр дабаанда

Ардаг морим эсээгүй.

Арадай энэ нааданда

Айдар нүхэд эсээгүй.

Арбан сагаан хургаяа

Адхан байжа хатарая!

Аман соохи зугаагаа

Хэлсэн байжа хатарая!

Хорин сагаан хургаяа

Холбон байжа хатарая!

Хоолой соохи зугаагаа

Хэлсэн байжа хатарая!

Һайдуунай hайбарлаа

Һайдуунай жороолоо!

Далай соогуур тамаруулха

Дааган танай ямар бэ?

Дахин саашань зугаалха

Зугаа танай ямар бэ?

Уhан соогуур тамаруулха

Унаган танай ямар бэ?

Үшөө саашань зугаалха
Зугаа танай ямар бэ?

Нээшүү нээшүү нээшүүнэйш,

Нээшүү нээшүү нээшүүнэйш!

Боори дээгүүр ябахадам,

Бугын түбэрөөн гарана,

Булантай гэртээ ерэхэдэм

Нааданай сууряан дуулдана.

Хада дээгүүр ябахадам

Хандагайн түбэрөөн гарана.

Ханатай гэртээ ерэхэдэм

Нааданай сууряан дуулдана!

Ёохой,ёохой ёохойлоо

Ёохорложо наадая! – 2 дахин

Тохомой шэнээн газарта

Тойрон байжа хатарая.

Толгой дээрэхи гоёолтоо

Хангир – янгир хатарая!

Гэрэй шэнээн газарта

Гэшхэн байжа хатарая.

Гэзэгэ дорохи гоёолтоо

Хангир – янгир хатарая!

Эрьелдэн хатарая

Элдэбэлэн дуулая.

Мушхаралдан наадая

Мэглээгээрээ дуулая!

Ангарайнгаа оёорhоо

Алтан шулуу бэдэрэе.

Алаг сээжын оёорhоо

Аятай зугаа бэдэрэе!

Сэлэнгынгээ оёорhоо

Сэгээн шулуу бэдэрэе,

Сэсэн сээжын оёорhоо

Сэнтэй зугаа бэдэрэе!

Манай Осооавиахим

СССРэй оборона яс!

Булжамуурай наадан

Бута соогоо наадан.

Буряад зоной наадан

Бүхы зоной наадан.

Жэргэмэлэй наадан

Жэгүүртэнэй наадан

Хараасгаймнай наадан
Хамаг зоной наадан!