Шэнын нэгэнэй үдэр сээрлэхэ еһо гурим
1. Энэ үдэр гол горхонһоо, худаг, булагуудһаа уһа абахаяа сээрлэхэ. Амһарта бүхэн уһаар билтаржа байха еһотой.
2. Хуушан дэгэл, хубсаһанайнгаа хахархайе оежо болохогүй. Юумэ оехоео һанабал, шэнээр эхилэн оехо. Энэнь ута наһа наһалхын тэмдэг.
3. Эд зөөри, мүнгэ зээлеэр үгэхэеэ нарилагты. Ушарынь гэбэл, гарзын үүдэн нээгдэнэ, олзын үүдэн хаагдана. Үригүй байхые, абалга нэхэбэригүй байхые оролдогты.
4. Уйлаха, хэрэлдэхэеэ сээрлэгты. Жэлэй турша соо хэрүүл, шууяан, зоболон таһархагүй.
5. Пеэшэнэй үнэһэ гаргахаяа сээрлэгты. Шэнэ жэлэй гарахын урда тээ гэр байраяа сэбэр һайхан болгохо хэрэгтэй.
6. Мал үүсэлхэеэ, агнуурида гарахаяа сээрлэгты. Үхэл хахасал нюурлаха.
7. Шэнэ һарын долоондо айлаар айлшалжа болохогүй. Энэ үдэрые хара үдэр гэдэг тула, энээниие ехэтэ сээрлэхэ хэрэгтэй.
8. Үбгэн һамган хоер хоорондоо золгожо огто болохогүй. Золгобол, хахасажа магад. Мүн хара эльгэтэй болодог (ревность, измена).
9. Архи уугаад, агсам һогтуурхажа аашалхагүй. Эдеэ хоолдо эзэнэй зүбшөөлгүйгөөр һабардажа, хүрэжэ болохогүй.
10. Бэедээ хутага, эритэ юумэ абаад бү ябагты. Аюул тэмсэл боложо магад.
(«Сагаалган» номһоо абтаба).

#Навстречу_Сагаалгану
#Сагаалган2025
#Сагаалган2025_Ага
#Сагаалган2025_Забайкалье