Государственное учреждение культуры
Центр развития бурятской культуры
Забайкальского края
Забайкальского края
Версия для
слабовидящих
слабовидящих
Мүнөөдэр Гомбожаб Цыбиковай нэрэмжэтэ Агын үндэһэтэнэй музейн дэргэдэ «Отогой наадан» гэһэн фестиваль эхи абаа.
Агын Буряадай тойрогой гурбан аймагуудта, Ага тосхондо ажаһуудаг олон хүүгэдтэй, хэдэн үе гэртэхинтэй бүлэнүүд хабаадажа байна. Гол түлэб энэ фестиваль хадаа, буряад угсаата арадайнгаа еһо заншал, түүхэ, ажабайдалай нюусануудые оршон үеын гэр бүлэнүүдтэ хөөрэжэ, харуулжа дамжуулха зорилготой.
Наадан зургаан талмайнуудтай. Талмай бүхэндэнь али нэгэн сэдэбээр хөөрөөн, тэрэнэй удаа бүлэнүүд удаадахи талмай ошоно. Тиигэжэ нааданадай дүнгүүдээр тон олон оноо абаһан бүлэ илаха. Бултанда амжалта хүсэе!
Отогой нааданай талмайнууд!
Квест-фестивалиин шугамаар 6 станцинууд:
«Шагай наадан» — хүтэлэгшэ — шагай наада Агын Буряадай тойрог дотороо эдэбхитэй дэлгэрүүлжэ ябаһан Балданов Базар Кимович.
«Буряад угсаатанай еhо заншал» — хүтэлэгшэ — Үбэр-Байгалай хизаараар буряад соёл хүгжөөлгын түбэй методист Мункуева Хандама Бальжинимаевна.
«Заншалта хубсаһанай ёһо» — хүтэлэгшэ — уран оёдолшон, Үбэр-Байгалай хизаараар буряад соёл хүгжөөлгын түбэй методист Гончикова Дашима Цыдыповна.
«Эжын ханза» — хүтэлэгшэ — Гомбожаб Цыбиковай нэрэмжэтэ Агын үндэһэтэнэй музейн мэргэжэлтэн Батоева Татьяна Самбуевна.
«Эхэнэрэй сэнтэй гоёолто» — хүтэлэгшэ — Гомбожаб Цыбиковай нэрэмжэтэ Агын үндэһэтэнэй музейн мэргэжэлтэн Бальжинимаева Татьяна Бальжинимаевна.
«Таагты» гэһэн оюун ухаанай наадан — хүтэлэгшэ — Үбэр-Байгалай хизаараар буряад соёл хүгжөөлгын түбэй методист, Гомбожаб Цыбиковай нэрэмжэтэ Агын үндэһэтэнэй музейн мэргэжэлтэн Далаев Аюша Дашицыренович.
