Государственное учреждение культуры
Центр развития бурятской культуры
Забайкальского края
Забайкальского края
Версия для
слабовидящих
слабовидящих
Гарахаяа байhан 2026 оной урда тээхэнэ Үбэр-Байгалай хизаараар буряад соёл хүгжөөлгын түбэй дэргэдэ Агын аймагай Согто-Хангил тоонтотой уран бэшээшэ Баярма Жамсарановагай зохёон найруулһан шүлэгүүд – сэдьхэлэйнь дулаахан мүрнүүд захата болон хэблэгдэбэ.
«Хуби заяанайм харгынууд» суглуулбари соо хайрата эжыгээ, тоонто нютагаа, анда нүхэдөө, оршон тойронхи байдалаа магтан түүрээhэн шүлэгүүдынь баян, ульгам hайхан буряад хэлэн дээрэ бэшээтэй, уншахада абтасатай, олониитын анхарал заатагүй татахань лабтай.
Хаанаб даа, холохоно сэдьхэл соо хадагалаатай байһан, уг гарбалһаа һабагшатай бэлиг хэдынэйшье сагта булагай бурьялһан аршаан мэтэ саанаһаа түрюулэн гэнтэ гарадаг гээшэ. Тон тиигээд лэ Баярма Базаровнагай шүлэгүүд уран налгай сэдьхэл соонь багтахаа болиходоо сүлөөдэ гаража, өөрын онсо һуури эзэлхэеэ дээрэ дээрэһээ саарhан дээрэ бэшэгдэжэ эхилээ бэзэ. Анханһаал, һургуулиин һурагша байхаһаа буряад хэлэ бэшэгтээ дуратай үндыһэн тула шүлэгүүдэйнь байгуулга, удха шанар һайн. Богони саг соо, оройдоол нэгэ жэл соо, ехэ үрэжэлтэй хүдэлөө. Шүлэгүүдэй суглуулбари — ном болохоор олон шүлэг, дуунууд суглараа, — гээд Россиин Уран зохёолшодой холбооной гэшүүн Дугарма Батоболотова номой оролто үгэ соо тэмдэглэнэ.
