1. Гал гуламтаяа нангин сэбэрээр шүтэжэ, тахижа байха. Гал гуламтаяа эхэ эсэгэ шэнгеэр сахиха.
2. Гал руугаа муухай юумэ оруулхагүй. Галда муухай юумэн ороо hаа, хүнэй, хүүгэдэй бэедэ яра шарха, маажуур нилзагараар гараад, эдэгэжэ үгэхэгүй. Галай арюудхал хэхэ.
3. Гал – элшэ гэрэл түхөөдэг, гэр бүлын заяаша, эдеэ дамжан манай бэедэ шэнгэжэ, амин голдомнай хүсэ шадал үршөөдэг.
4. Галай хубилан hулархада, шэнээ тамир hүнэдэг. Үйлэ хэрэгүүдэй буруугаар бүтэдэг болоо hаань, галаа тахюулха гэдэг. Жэл соо үсөөхэн үдэр гал тахилга дайралдадаг. Лама санаартанhаа асуужа, үдэр гаргуулдаг.
5. Бага хүүгэдэй шээhэтэй хубсаhа галда, пеэшэндэ хатаабал, хүүгэд үбдэхэ, яратаха. Тиихэдэнь галаа арюудхаха, тиихэдэл хүүгэд эдэгэхэ. Энээниие олон гэртэхин мэдэдэггүй.
6. Галаа худхадаг хабшаг, ухваад алхажа болохогүй, алсайлгаад табихагүй. Галаа худхадаг хадаа арюун сэбэрээр хадагалха газартай байха.
7. Угаадаhа, галайнгаа үнэhэ хоорондонь холингүйгөөр, голые уруудуулан хаядаг.
8. Галай үнэhэ худхажа, улаан согыень шангаар сохихогүй, галай заяаша зобохо юм гэдэг.

«АБЫН ҺУРГААЛ – АЛТАН, ЭЖЫН ҺУРГААЛ – ЭРДЭНИ» номhоо абтаба. Автор — Цыремжит Батоева, багшын ажалай ветеран, Ородой холбоото уласай габьяата багша.