Поздравляем вас с 23 февраля — Днем защитника Отечества!
Желаем крепкого здоровья, отваги, счастья, благополучия и любви!

Эсэгэ ороноо хамгаалхын Агууехэ hайндэрөөр
Эрэлхэг зоригтой эрэшүүлөө,
Амаршалан гарыень барие даа!

Эрэ хүнэй хубитые
Үндэр дээрэ үргэжэ,
Эхэнэр, хүүгэд, хүгшэдөө,
Үргэн ябахыень хүсэе даа!

Угай нэрэеэ үргэжэ,
Гүрэн түрэеэ хамгаалан,
Удам, бүлэеэ хүтэлөөд,
Гаталан урагшаа жүдхыт даа.

Дайн дажарые зайсуулан,
Сэрэгтэ ябаhан эрэшүүлдөө
Доро дохин эхэнэрнүүд,
Дэмжэн амжалта хүсэе даа!

Гүрэн түрын дотоодо
Эмхи журам сахигша,
ГАИ, полициин хүбүүдтөө,
Эрхим hайниие хүсэе даа!

Энэл жаргал хамгаалан,
Наhаяа үгэhэн хүбүүдэй
Мүнхэ дурасхаалда зальбаран,
Эжынэртэнь мүргэел даа!

Ургажа байhaн хүбүүдөө
Бага жэжэгүй амаршалаад,
Урагшаа hанаатай, бэрхэнүүд,
Баатарнууд болгон hургае даа!

Шүлэгэй автор — Долгор Энэбишиева. 23.02.2018 ондо бэшэһэн.