1. Малгайн залаа дээрэ бүхэлэгдэдэг мүнгөөр, шулуугаар хэһэн гоёолто. Дэнзэ
2. Ямар үнгэтэй бүд бэлэг болгожо баридаггүйб? хара
3. Нэгэ бүлын аха дүү хүбүүдэй һамгадые хэд гээд нэрлэдэг бэ? (абиhалангууд)
4. Зээнсэрһээ гараһан үхибүүдые хэд гэдэг бэ? (Аhаансар)
5. Хори буряадай хэды эсэгэнэр гэдэг бэ? (11)
6. Эрэ хүнэй хэды эрдэм гэдэг бэ? (9)
7. Эсэгын хүбүүдэй хүбүүд 4-дэхи үеһөө саашадаа 7-дохи үе хүрэтэр хэд гээд нэрлэгдэдэг бэ? (Хаяала)
8. Буряад литэдэ табан хушуун малай ямар малай нэрэнүүд үгтөөгүйб? (Тэмээн, ямаан) .
9. Бүлэнэрһөө гараһан үхибүүд хэд болоноб? (Бүлөөлинсэр)
10. Литын ёһоор тахяа жэлэй удаа ямар жэл бэ? (нохой)
11. Ямар модоор номо (номо годли) хэдэг бэ? (хуhан)
12. Тамхинай багахан туулмаг.(алшуур)
13. Һая түрэһэн үхибүүе юун гээд нэрлэдэг бэ (нялха нарай)
14. Эхэнэрнүүдэй дэгэл дээрээ үмдэдэг хамсыгүй ута, богони хубсаhан (уужа)
15. Малгайн залаа юу тэмдэглэнэб? (наранай туяа)
16. Хүбүүнэйнгээ үхибүүдые хэн гэхэб? (ашанар)
17. Буряад дэгэлэй энгэр али таладаа байдаг бэ? (баруун)
18. Бүрхэг, бороотой үдэр дэгэл дээгүүрээ үмдэдэг хубсаһан.(суба)
19. Нагаса эгэшэ хэн болоноб? (эжын талын түрэл)
20. Домогой ёһоор эхирид буряадууд ямар амитанһаа гарбалтай гэдэг бэ? (эреэн гутаарhаа)
21. 12 жэлэй эгээл һүүлшын жэл гээд юу нэрлэхэбта? (гахай жэл)
22. Нагаса эсэгэ хэнэй эсэгэб? (эжын)
23. Хүн хубсалхадаа, хаанаhаа эхилжэ хубсалдаг бэ?(хүлhөө, дороhоо)
24. Хадамда гараһан басагадтаа эхэ эсэгын үгэдэг адуу мал юун гэдэг бэ?(энжэ)
25. Зээнэр хэнэй үхибүүд бэ? (басаганhаа гараhан)
26. Һэеы гэр соохи ямар талань эхэнэрэйб?(зүүн талань)
27. Багахан үхибүүнэй зулай дээрэ тэбхэрхэнээр үлээһэн үһэ юун гэхэб?(hамбай)
28. Абынгаа ахые хэн гэжэ нэрлэдэг бэ?(абга)
29. Буряад орондо хэды ондо Сурхарбаан түрүүшынхиеэ үнгэрөөб?(1924 ондо)
30. Далга абахадаа, хүн малгайгаа үмдэдэг гү, али абадаг гү?(малгайгаа үмдэдэг)
31. Абга эгэшэ гэхэдээ, хэнэй талаар түрэл бэ? (эсэгын)
32. Нэгэ уг гарбалтай, нэгэ отогой хүнүүдые юун гээд нэрлэхэб? (удам)
33. Айл болоhон хүбүүн басаган хоёрой гэртэхин хэд болоноб? (худанар)
34. Литын ёһоор 12 жэлэй дүхэриг ямар жэлээр дүүрэдэг бэ? (гахай жэлээр)
35. Эжын талаhаа түрэлхидые хэд гэхэбта? (нагасанар)
36. Үдэр, һүни, үдэшэ, үглөө хамта дээрээ…(хоног)
37. Үеэлэ, хаяала гэхэдээ, али талаhаа түрэл бэ? (абын)
38. Хэтээр сохижо ошо гаргадаг хатуу шулуун. (сахюур)
39. Эрэ хүнэй бүһэдөө хутага үлгэдэг сагаан мүнгөөр бүтээһэн гэнжэ.( үлгүүр)
40. Эхэнэрнүүдэй сарбуудаа зүүдэг гоёолто.(бугааг)
41. Ашанар гэхэдээ, хэнэй үхибүүдые нэрлэдэг бэ?( хүбүүнэй)
42. Хүнэй хүртөөгүй эдеэнэй хуби зүбөөр нэрлэгты. (Дээжэ)
43. Түрэhэн эгэшэ дүүгэй (дети двух сестёр) үхибүүд хоорондоо хэд болоноб? (бүлэ зээ)
44. Уусын дуу хэндэ зорюулан дууладаг бэ? (бэридэ)
45. Хонин жэлэй удаа ямар жэл гарахаб? (бишэн)
46. Ашаһаа гараһан хүбүү зүбөөр нэрлэгты. (дүшэ хүбүүн)
47. Буряад дэгэлэй энгэр хэды тобшотойб? (гурба)
48. Ураг түрэлые хэды янзаар хубаадаг бэ? (хоер янзаар, абгатан, нагасатан)
49. Айлшанда табидаг хүндын түрүү мяхан табаг, нэрлэгты.( төөлэй, ууса, үбсүүн)
50. Хүн болохо багаһаа, хүлэг болохо …(унаганhаа)
51. Эрэ хүнэй хэды наадан гэдэг бэ? (гурбан)
52. Сэлэнгын буряадай угай бэшэг хэд бэшэһэн түүхэтэйб? (Дамби-Жалсан Ломбосыренов, Сайнсаг Юмов)
53. Хонгоодор угсаатан олонхидоо Буряадай али аймагуудта ажаһуудаг бэ?(Захаамин, Аха, Түнхэн)
54. Эдеэнэйнгээ дээжые хэндээ хэдэг бэ? (абадаа)
55. Түрэhэн басаганай үхибүүд аба эжыдэнь хэд болоноб? (зээнэр)
56. Элинсэг эсэгэ хэнэй эсэгэб? (үбгэн абын эсэгэ)
57. Хүндэ юумэ үгэхэ, абахадаа али гараар абадаг, үгэдэг бэ? (Баруун)
58. Айлда, нааданда, дүхэригтэ һуухадаа аха, наһатай хүнэй хаана һуужа болохогүйб? (дээдэ таладань)
59. Эрын гурбан наада нэрлэгты. (бүхэ барилдаан, мори урилдаан, hүр харбаан)
60. Эрэ хүниие төөлэйгөөр хүндэлдэг, эхэнэр хүниие юугээр хүндэлдэг бэ? (уусаар)
61. Айлай ехэ үриие хэн гэдэг бэ? (ууган)
62. Эгэшэ дүү хоёртой hууhан хоёр хүрьгэд бэе бэеэ хэн гэжэ нэрлэдэг бэ?(базанар)
Цыпылма Махазагдаевагай суглуулбариhаа.