Буряад зоной сээрлэхэ зүйлнүүд:

— Эдеэ хоолоороо наада хэхэ, тоглоходо сээртэй.

— Дала мүрөө хабшажа, «мэдэхэгүй» гэхэдэ сээртэй.

— Хүндэ хурганай hалаагаар юумэ hарбайхагүй, hожоргүйгөө харуулха.

— «Жаргалтай байбал, орондоо бү дуула, зоболонтой байбал, орондоо бү уйла» гэhэн зүйр сэсэн үгэ бии.

— Түрэхэ эхэнэрэй урдуурнь гарахагүй.

— Харанхы hүни үhэеэ hамнахагүй.

— Эхэнэр хүн забилжа hуухагүй.

— Эхэ руугаа муухайгаар харахагүй – ехэ нүгэл.

— «Эсэгеэ гомодхообол, сүмбэр уула сүмэрхэ, эхэеэ гомодхообол, һүн далай шэргэхэ» гэhэнтэй адли нүгэл долоон үеын үри бэе, удамда хүртэхэ гэдэг.

— Хүнэй малгай, үмдэ үмдэхэгүй – хүнэй муу заяан халдажа болохо, мүн өөрынгөө хубсаhа ондоо хүндэ үмдүүлхэгүй – талаан бэлигээ дамжуулха.

— Айлда хюмhаяа абахагүй, тэрэ айлда ёро хараха.

— Һүн дээрэ хара уhа хэхэдэ, хэшэг зайлаха, харин уhан дээрэ hү хэжэ болохо.

— Гурил зуурабал, альгаяа хутагаар хюhахагүй – хэшэгээ алдаха. Гар гараа үрэжэ ехэбшэлээд угааха.

— Гараа угаагаад, hэгсэржэ болохогүй – аминай хэшэг барана.

— Гарай альган дээрэ юумэ зуража, бэшэжэ болохогүй.

— Гуталаа шэрэжэ, малгайгаа буруу харуулжа үмдэхэдэ – тархи муутай болохо, харин дабхарлажа үмдэхэдэ – хоер дахин гэрлэхэ.

— Хүнэй hуга доогуур, хүлэй забhараар гарахагүй – хии морин унаха.

— Өөрынгөө нэрые голожо болохогүй. Үхибүүдые бүтэн нэрээрнь дуудаха хэрэгтэй – «бүтэн нэрэтэй, бүрин заяатай» байха.

— Абхуулhан үhэеэ эндэ тэндэ хаянгүй, мориной хүлөөр гэшхүүлхэдэ hайн.

Цырен-Ханда Дарибазаровагай суглуулбариһаа.