Байгша оной октябриин 3-да Агын Буряадай тойрог дотор эгээл түрүүшынхиеэ Үбэр Байгалай хизаарай Губернаторай шанда буряад заншалаар һур харбаанай нээмэл мүрысөөн үнгэргэгдэһэн байна.
Буряд Уласай, Үбэр Байгалай хизаарай, Агын Буряадай тойрогой олон нютагуудһаа дүн хамта 200-гаад һур харбаашад сугларжа, херхо мэргэшүүлэй шанга тулалдаан болоо.
Үбэр Байгалай хизаарай Засаг газарай Түрүүлэгшын орлогшо - Агын Буряадай тойрогой Захиргаанай хүтэлбэрилэгшэ Буянто Батомункуев мүрысөө нээжэ, хабаадагшадта амжалта хүсэбэ. Удаань Үбэр Байгалай хизаарай тамирай яаманай сайдай орлогшо Андрей Середкин тамиршадта мүн лэ ульһа дулаахан амаршалгын үгэнүүдые дамжуулаа.
Үбэр Байгалай хизаарай һур харбаанай Федерациин толгойлогшо Цыренжаб Мункожаргалов энэ мүрысөөнэй эхин һабагшын түүхэ тухай онсолон хөөрэбэ. Ородой холбоото уладай габьяата һоригшо, мүрысөөнэй ахамад шүүгшэ Баярто Жамсоевич Цырендоржиев мүрысөөнэй дүримтэй тобшолон танилсуулаа.
Үбэр Байгалай хизаарай соелой габьяата ажалтан Доржи Болотов Владимир Дамбаевай зохеоһон “Сур харбаан” гэһэн дуу хабаадагшадта бэлэг болгон ирагуу гоеор гүйсэдхэжэ, халуун альга ташалгада хүртөө.
Агын соелой байшанай мэргэжэлтэд Татьяна Бальжинимаева ба Дылгыр Ирдынеев хоер һонирхолтой, удха шанартай мэдэсэнүүдээр хабсарагдаһан мүрысөөнэй нээлгэ шадамар бэрхээр ябуулжа олондо һайшаагдаба.
Намарай ольбоной дулаахан нарата үдэр Ага тосхоной түб стадион дээрэ бүхэли үдэрэй туршада һур харбаашадай шанга тулалдаан үнгэржэ, иимэ дүнгүүдтэй түгэсэһэн байна:
Хубиин мүрысөөн. Бүһэтэйшүүлэй хоорондо:
50 наһатай болотор
1.Цыдендоржиев Баир (Зүдхэли)– 39
2.Базардашиев Баир (Ага тосхон)-36
3.Дугаров Булат (Зүдхэли)-36
65 наһатай болтор
1.Мункуев Шенберг (Сагаан Ола) - 38
2.Людофа Бато ( Үбэр Аргали) - 38
3.Жаргалов Балданжап (Догой) – 38
65 наһанһаа дээшэ
1.Магаков Цырендоржи (Улан-Удэ)-33
2.Гармаев Дамдинцырен (Зүдхэли)- 31
3.Намсараев Насан (Урда-Ага)-29
Эхэнэрнүүдэй хоорондо:
50 наһатай болотор
1.Молонова Арюна (Ага тосхон)-33
2.Харитонова Надежда (Улан-Удэ)-33
3.Пунсукова Алена (Зугалай)-32
50 наһанһаа дээшэ
1.Чердонова Дулма (Сахюрта)-35
2.Цыбенова Бальжима (Догой)-33
3.Цырендоржиева Соелма (Зүдхэли)-32
Абаргын мүрысөөн:
Эрэшүүлэй хоорондо
1.Цырендоржиев Батор (Зүдхэли)
2.Цырендоржиев Буянто(Зугалай)
3.Людофа Мункожаргал ( Үбэр Аргали)
4.Дугаров Аюр (Зүдхэли)
Эхэнэрнүүдэй хоорондо
1.Харитонова Надежда (Улан-Удэ)
2.Бадмацыренова Надежда (Шэтэ)
3.Дагбаева Намжилма (Догой)
4.Полутова Ханда (Зугалай)
Ветерануудай хоорондо:
1.Магаков Цырендоржи(Улан-Удэ)
2.Егоров Николай (Хэжэнгэ)
3.Гармаев Дамдинцырен (Зүдхэли)
4.Сулдэ (Улан-Удэ)
Можонуудай хоорондо:
- Зүдхэли нютагай можо (236)
- Ага тосхоной можо (235)
- Догой нютагай можо (227)
Үбэр Байгалай хизаар дотор тамирай 5 жэлдэ дашарамдуулһан Үбэр Байгалай хизаарай Губернаторай шанда буряад заншалаар һур харбаанай нээмэл мүрысөөнэй дүнгөөр 4 һуршад “Тамирай буряад үндэһэн янзануудаар Үбэр Байгалай хизаарай тамирай мастер” гэһэн норматив дүүргөө:
Цыдендоржиев Баир (Зүдхэли);
Мункуев Шенберг (Сагаан Ола);
Людофа Бато ( ҮбэрАргали);
Жаргалов Балданжап (Догой).
Эртэ урдын сагһаа түүхэтэй буряад заншалта һур харбаан дэбжэн хүгжэһөөр. Аха захатантай хамта ургажа ябаа залуу һүрэг харбаашад угсаата арадайнгаа заншалта һур харбаа дэмжэн абаад, үргэлжэлүүлжэ ябахадань, урматай. Мүн баһа энэ Үбэр Байгалай хизаарай Губернаторай шанда буряад заншалаар һур харбаанай нээмэл мүрысөөндэ норматив дүүргэһэн зондо “Тамирай буряад үндэһэн янзануудаар Үбэр Байгалай хизаарай тамирай мастер” гэһэн нэрэ зэргэ үгтэдэг болоһониинь һайшаалтай. Тус мүрысөөн саашаа үргэн харгытай байхань дамжаггүй.
Д.Долгоржапова, Үбэр Багалай хизаараар соел хүгжөөлгын түбэй методист.