Буряадай уласхоорондын XIV «Алтаргана-2020» нааданай Һахюуһа – Шонын дүрсын эрхим дизайн-түлэблэлгээр нютаг оронууд хоорондын мүрысөөн Буряадай уласхоорондын XIV «Алтаргана-2020» нааданда бэлэдхэлгын хэмжээндэ үнгэргэгдэнэ.
Мүрысөө байгуулагша – Агын буряадай тойрогой Захиргаан, эмхидхэгшэ – “Үбэр Байгалай хизаараар буряад соёл хүгжөөлгын түб” гүрэнэй соёлой эмхи.
Мүрысөөндэ Дүримэй ёһоор ажалнуудаа эльгээһэн, Дүримэй эрилтэнүүдые дүүрэн хүсэдөөр баримталһан авторнууд (гансаараа зураһан гү, али зохёохы бүлгэмтэй) мүрысөөнэй хабаадагшад болоно. Мүрысөөндэ хэдышье наһанай, ямаршье ажал эрхилжэ байһан зон хабаадахаар уригдана.
Шонын дүрсэ хориин буряадуудай заншалта гү, али мүнөө сагта тааруулhан хубсаhатайгаар (дэгэл, малгай, гутал), урдаһаань болон хажуу тээһээнь харуулан зурагдаһан байха ёһотой. Нэгэ хабаадагша хэдышье һаа зураг тушаажа болохо. Шонын дүрсэ үндэһэн соёлой онсо талануудые харуулха, хүнэй сэдьхэлдэ һайхан мэдэрэл түрүүлхэһөө гадна, һонин ба өөрын дабтагдашагүй түхэлтэй байха ёһотой.
Шоно хадаа нааданай бүхы хабаадагшадые нэгэдүүлһэн ураата амитан болоно. Монгол туургата арадууд Борте Шоноһоо бии болоһон гэжэ үльгэр домогууд соо бэшэгдэдэг. Шоно – нэгэдэлгын һүлдэ тэмдэг, бэеэ даанги, эрхэ сүлөөтэй, зүрхэтэй байлгын, арюун сэбэрэй, һургаалай һүлдэ тэмдэг мүн болоно.
Хабаадагшада Һахюуһанай дүрсэ зуран бэлдэхэдээ, нааданай уласхоорондын хэмжээнэй байһые, мүн аудиторииень хараадаа абаха хэрэгтэй. Һахюуһан эб найрамдал, энхэ элүүрые сахилга, буряад-монголшуудай үндэһэн үзэл хараа харуулха, мүн иимэ эрилтэнүүдтэ харюусаха ёһотой:
- Һахюуһан Раnton справочнигһаа абтаһан 4 үнгэтэй байха;
- Һахюуһанай зураг сувенирэй үйлэдбэридэ (хубсаһанда, мүшэндэ, нааданхайнуудта г.м.) бэлээр дабтажа гаргахаар дизайнтай, үнгэнүүдэй тааралдалтай байха ёһотой.
- Һахюуһанай дүрсэ хубсаһан болгожо үмдэхөөр (ябаха, хатарха аргатай) байха ёһотой.
Мүрысөөн 2020 оной январиин 27-һоо мартын 10 болотор гурбан шатаар үнгэргэгдэхэ.
- Январиин 27-һоо февралиин 25 болотор Һахюуһанай дизайн-түлэблэлгын мэдүүлгэнүүд Этот адрес электронной почты защищен от спам-ботов. Для просмотра адреса в вашем браузере должен быть включен Javascript. гэһэн сахим хаягаар абтаха.
- Февралиин 25-һаа 28 болотор мүрысөөнэй эмхидхэгшэдээр дүримэй эрилтэнүүдтэ таарама дизайн-түлэблэлгэнүүд шэлэгдэн абтаха.
- Мартын 1-дэ шүүгшэдэй бүлэгэй гэшүүд зүблэхэ.
Эгээл олон балл абаһан 3 дизайн-түлэблэлгэнүүд мүрысөөнэй илагша болохо. Тэдэниие зохёогшод тус тустаа 10 мянган түхэригэй мүнгэн шангаар урмашуулагдаха (энэ мүнгэнһөө Ородой Холбоото Уласай хуули гаргалгаар тогтонижогдоһон налог хороогдохо). “Алтаргана-2020” нааданда бэлэдхэлгээр ба үнгэргэлгөөр хизаарай эмхидхэлгын хорооной гэшүүдэй эгээл олон үгэһэн дуугаар мүрысөөнэй илагшадай нэгэ дизайн-түлэблэлгэ нааданай тусхай Һахюуһан болохо, тиихэ зуура мэргэжэлтэ дизайнернуудаар ажаллагдажа, саашань болбосоруулагдажа болохо.
Мүрысөөндэ хабаадахын тула электронно хаягаар удаадахи дансануудые эльгээхэ хэрэгтэй:
- Һахюуһанай дизайн-түлэблэлгэ (хэдышье һаа);
- Мүрысөөндэ хабаадаха тухай мэдүүлгэ (1-дэхи хабсаргалта);
- Найдуулгын бэшэг: а) мүрысөөнэй хабаадагша Һахюуһанай дүрсэ өөрөөл зураһамби гэжэ найдуулха, б) Һахюуһа зурахадаа, ондоо хүнэй зураг дабтаагүйб гэжэ найдуулха; в) мүрысөөнэй илагша хэрбэеэ байгуулагшаһаа тусхай мэдүүлгэ абабал, Һахюуһанай дизайн-түлэблэлгэдэ ганса өөрын эрхэеэ хаһан абаха тухай хэлсээ Дүримэй 2-дохи хабсаргалтын ёһоор баталха. Найдуулгын бэшэг һайн дураар зохёогдон бэшэгдээд, мүрысөөнэй хабаадагшын моторой тэмдэг табигдаха.
- Хабаадагшын нюур зааhан дансын (паспорт), ИНН-эй, СНИЛС-н буулгабаринууд, гартаа бариха мүнгэгүйгөөр тоосохын түлөө хабаадагшын банкда нээhэн данса бэшэгэй дугаар болон хабаадагшын хубиин мэдээнүүдые болбосоруулгада зүбшөөл (3-дахи хабсаргалта).
Байгуулагшын ба эмхидхэгшын тусхай сайтнууд руу орожо, мүрысөөнэй дүримтэй дүтөөр танилсахада болохо: www.aginskoe.ru, http:/бурятскаякультура.рф.ru.