Жэл бүри, он жэлнүүдэй һэлгээн соогуур, алтан намарай һайхан сагта, түрэл эхэ хэлэеэ, буряад үндэһэн соёлоо, ёһо заншалаа улам хүгжөөхэ зорилготойгоор тойрог доторнай Буряад хэлэнэй фестиваль үргэн дэлисэтэйгээр үнгэргэгдэдэг заншалтай. Фестиваль дотор хэмжээндэ олон хэмжээ ябуулганууд тойрогой бүхы наһанай ажаһуугшадай дунда эмхидхэгдэдэг, тэдэнэй тоодо мүнөө жэл анха түрүүшынхиеэ “Таагты!” гэһэн ухаан бодолой наадан соносхогдобо.
Кроссворднуудай автор - Могойтын аймагай Сагаан-Уула нютагай, Ородой Холбоото уласай арадай гэгээрэлэй эрхим, Багшын ажалай ветеран Будажаб Доржиевич Цыбегмитов болоно.
 Агын Буряадай тойрогой 86 жэлэй ойгоор дашарамдуулагдан, мүн Буряад хэлэнэй фестивалиин хэмжээндэ Будажаб Доржиевичиин хэдэн олон жэлнүүдэй хугасаада буряад, ород хэлэнүүд дээрэ зохёоһон кроссворднуудай суглуулбари Үбэр Байгалай хизаараар буряад соёл хүгжөөлгын түбтэ ном болгогдожо хэблэгдэбэ. Энэ суглуулбари соо түрэл тоонто нютаг, тойрогой мэдээжэ зон, буряад арадай ёһо заншал, буддын шажан, нютагаймнай ан амитад тухай, мүн хүүгэдэй тааха бэлэн кроссворднууд, дүн хамта 41 кроссворд ороно, суглуулбари 8 бүлэгһөө бүридэнэ. Энэ дэбтэр хадаа олониитын уншагшадай анхарал заатагүй татаха, һонирхуулха байха гэжэ бидэ найданабди.
Энэ сэнтэйхэн хэблэлэй автор Будажаб Доржиевич, мүнөөдэрэй нааданай жюриин гэшүүдые түрүүлээ.
Убэр Байгалай хизаарай соел хугжоолгын түбэй захирал Норполова Сэсэг Жугдуровна,
Убэр Байгалай хизаарай соел хугжоолгын түбэй мэргэжэлтэн, Убэр Байгалай хизаарай габьяата соелой хутэлмэришэн Долгоржапова Долгорма Мункуевна,
Убэр Байгалай хизаарай соел хугжоолгын түбэй мэргэжэлтэн, Киргиз уласай соелой эрхим Балданов Николай Рыксылович жюриин гэшууд болобо.

 “Таагты!” гэһэн мүнөөдэрэй нааданда 10 эмхи зургаанууд хабаадаа:
1. Ага тосхоной соёлой ордоной «Согтой соелшод» можо. Хүтэлбэрилэгшэнь – Солбон Жамбалов;
2. Ага тосхоной «Галхан» гэһэн гэр бүлын можо. Хүтэлбэрилэгшэнь – Ольга Бальжимаева;
3. Цыбен Жамсараногой нэрэмжэтэ Агын хизаарай номой сангай «Улаалзай» можо. Хүтэлбэрилэгшэнь – Дарима Базарова;
4. Могойто тосхоной “Табан хурган" можо. Хүтэлбэрилэгшэнь – Цырен Аюров;
5. Хүхюун зугаатай “Шог ёгто” можо. Хүтэлбэрилэгшэнь – Дыжит Ринчиновна;
6. hудэнтэ нютагай «Бэлиг» можо. Хутэлбэрилэгшэнь – Долгорханда Дашидондокова;
7. Агын телекомпаниин можо "Ага хэлэнэ". Хутэлбэрилэгшэнь - Долгорма Дашинимаева;
8. Хунхэрэй дунда hургуулиин «Сэрэг» гэhэн можо. Хутэлбэрилэгшэнь – Цыцык Намсараева
9. Хойто-Ага нютагай можо «Хундын хуйхэрнууд». Хутэлбэрилэгшэнь Валентина Ральдина.
10. Будалан нютагай можо «Нютаг». Хутэлбэрилэгшэнь Бато Шагдаров.

Мүн эмхидхэгшэд - Үбэр Байгалай хизаараар буряад соёл хүгжөөлгын түбэй болон Агын соёлой ордоной ажалтан - бидэ болонобди.
Мүнөөдэрэй мүрысөөн 4 шатаһаа бүридөө, шата бүхэндэ 10-15 минута үгтөө, сагай үнгэрхэдэ, эмхидхэгшэд харюунуудтай кроссворднуудые суглуулжа, тоолоо. Зүб харюу бүхэндэ 1 балл табигдаа юм.
Нэгэдэхи шатада асуудалнуудые саарһан дээрэһээ уншаад кроссворд таагаа.
Хоёрдохи шатада - уншагдажа байһан асуудалнуудые шагнаад таагаа.
Гурбадахи шатада – Агын Буряадай тойрогой Хүндэтэ эрхэтэнэй дүрэ зурагуудые тараагаабди, тэдэниие таажа, нэрэ обогуудыень бэшээ.
Дүрбэдэхи шатада – мүн лэ асуудалнуудые саарһан дээрэһээ уншаад кроссворд тааха ёһотой байгаа.
Ухаан бодолоороо илгаран гараһан илагшад:
I hуури эзэлhэн Агын телекомпаниин можо "Ага хэлэнэ". Хутэлбэрилэгшэнь - Долгорма Дашинимаева;
II hуури эзэлhэн Хүхюун зугаатай “Шог ёгто” можо. Хүтэлбэрилэгшэнь – Дыжит Ринчиновна;
III hуури Цыбен Жамсараногой нэрэмжэтэ Агын хизаарай номой сангай «Улаалзай» можо эзэлээ. Хүтэлбэрилэгшэнь – Дарима Базарова;

Үбэр Байгалай хизаараар буряад соёл хүгжөөлгын түбэй захирал Сэсэг Жугдуровна Норполова мүнөөдэрэй нааданда эдэбхитэйгээр хабаадаһан бүхы можонуудта халуун баярые хүргөө! "Түрэл буряад хэлэеэ, түүхэ намтараа, үндэһэн соёлоо, ёһо заншалаа үлөөхэ, улам дэлгэрүүлхэ гээшэ хүн бүхэнэмнай уялга ха юм даа" - гэжэ хэлэбэ.