Сэрэгэй болон албанай уялга дүүргэхэ үедөө баатарай үхэлөөр унаһан нютагайхинай нэрэ мүнхэлхэ Үдэр Үбэр Байгалай хизаарта сентябриин 24-дэ тэмдэглэгдэдэг.

1день памяти забайкальцев

Энэ үдэр дэмыдэ табигдаагүй. 1984 ондо сентябриин 24-дэ Сергей Токмаков нүхэдөө халхалан, алдалан унаһан байна. 26 жэл үнгэрһэнэй удаа энэл үдэр суг алба хаагшадайнгаа ами наһа абаржа, Алдар Цыденжапов баатаршалга гаргаа.

Баатар хүбүүдэй мүнхэ нэрэнүүд Россиин алдарай дэбтэртэ хэтэ мүнхэдөө оруулагданхай. Ургажа ябаа залуу үетэндэ Эхэ орондоо үнэн сэхэ, шэн зоригтой эдэ хүбүүд тухай, аша габьяаеынь һургуулинууд болон номой сангуудта жэшээ болгон хөөрэдэг.

Үбэр Байгалай хизаарта 300 гаран сэрэгшэд баатарай үхэлөөр унаһан байна. Баатар хүбүүдтээ, тэдэнэй гэртэхиндэ доро дохинобди!